Nunasiaataajunnaarsaanermi alloriarneq

Cookip Qeqertaasa Aotearoamut / New Zealandimut (NZ) Free Associationimik isumaqatigiissuteqarnermikkut namminneq susassaqarfimminnut kisimik oqaasissaqartuulerput innuttaasuminnillu New Zealandimi innuttaasunngortitsillutik. New Zealandimulli nuttarnerup annertusiartupiloornera ilutigalugu innuttaasut ikiliartorput artukkiissutinullu avataaneersunut ilaatigut Covid-19-imut silallu pissusiata allanngoriartorneranut akiuussinnaassusikilliartortoqarluni.

USA-p aamma Republikkip Marshallip Qeqertaasa pituttugaanngitsumik naalagaaffeqatigiinnissamik isumaqatigiissutaannik paasisat ilaat

Præsidentip Trumpip 2019-imi aggustiugaa Issittoq pileritsaakkamiuk isertuarnani Puerto Ricomut, Caribiami qeqertamut USA-p ataani namminersortuusumut, taartigalugu Kalaallit Nunaat pisiariumagaluarpaa. Trumpip neqeroorutaa kalaallit, Puerto Ricomiut, danskit Amerikamiullu amerlanersaannit quiagiinnarneqaraluartoq namminersortut tamakkiisumik oqartussaassuseqanngitsut taakkua naalakkersuinikkut inissisimaffiinik naleqqiussinikkut neqeroorut tamanna siunnersuutitsialattut isigineqarsinnaalluarunarpoq.

Pituttugaanngitsumik naalagaaffeqatigiinneq (Free Association, FA) tunngavigalugu naalagaaffiusut Naalagaaffinnut Peqatigiinnut (FN) ilaasortanngorsin-naapput. Ilaasortanngornerup iluaqutissartaa pingaar-nerpaaq tassaavoq naalagaaffittut akuersaarne-qalerneq, aammattaarli allaffissornikkut pisussaaffitta-qarpoq aningaasatigullu annikitsumik tapiissuteqarfius-salluni. Naalagaaffiit isumaqatigiissuteqaqataajumallutik amerlanertigut FN-imut ilaasortaasariaqanngillat.